Sut alla i gadw fy mhlentyn yn ddiogel ar-lein?

Diweddarwyd: 27 Mai 2022

Mae 'na lawer o bethau y gallwch chi a’ch plant ei wneud i gadw’n ddiogel ar-lein. Dyma rai dolenni defnyddiol gan y BBC:

• Awgrymiadau i rieni ar sut i gadw plant yn ddiogel ar-lein
• Sut i osod Clo i rieni ar BBC iPlayer

Neu ewch i wefan Internet Matters, lle mae cyfarwyddiadau ynglŷn â sut i sicrhau fod ganddoch chi, fel rhieni, reolaeth dros eich dyfeisiau, gemau cyfrifiadur, mynediad i’r band-llydan a phlatfformau adloniant.

Gwasanaethau ac offer addas i blant ar y BBC

Os ydych chi’n edrych am rywbeth ar y BBC sy’n addas i blant, dyma lefydd da i ddechrau:

• CBeebies
• CBeebies Playtime island app
• CBeebies Go Explore app
• CBeebies Get Creative app
• CBeebies Storytime app
• CBBC
• Proffiliau plant ar iPlayer ar y teledu

Sut ydw i'n gwybod fod cyfrifon y BBC yn ddiogel i fy mhlant?

Mae gennyn ni o bethau mewn lle er mwyn sicrhau fod plant yn ddiogel. Er enghraifft, dim ond enw defnyddiwr (dim eu henw go iawn) a dyddiad geni mae unrhyw blentyn o dan 13 oed yn ei roi wrth gofrestru.

Mae mwy o help gyda chyfrifon y BBC i blant yma.

Os ydych chi o dan 16 oed a thu allan i’r DU

Ni fyddwch chi'n gallu cofrestru cyfrif neu broffil BBC os ydych chi tu allan i'r DU ac o dan 16 oed. Os ydych chi tu allan i'r DU, ac â chyfrif plentyn yn barod, ni fydd yn darparu'r un mynediad i'r cynnwys penodol i blant sydd ar gael yn y DU.

Chi sy'n rheoli beth all eich plentyn ei wneud gyda'i gyfrif BBC

I atal plant rhag cael gafael ar Gynnwys sydd â label Cyfarwyddyd gallwch ddefnyddio’r Clo Cyfarwyddyd i Rieni.

Ni all plant o dan 13 oed gael mynediad at rai rhannau penodol heb ganiatâd rhiant neu warchodwr.

Gallwch osod caniatâd wrth greu cyfrif newydd i blentyn. Dilynwch y cyfarwyddiadau.

Os ydych chi eisiau rheoli caniatâd nes ymlaen, y ffordd hawsaf yw os oes gan y ddau ohonoch gyfrifon BBC. Wedyn gallwch gysylltu cyfrif eich plentyn i'ch cyfrif chi a gosod caniatâd unrhyw bryd. Os nad oes gennych chi gyfrif BBC, gallwch gofrestru am un.

Mae'n gyflym ac yn hawdd i'w wneud. Ond nid oes rhaid i chi gael cyfrif BBC i reoli caniatâd. Pan fydd eich plentyn yn ceisio gwneud rhywbeth newydd ar y BBC, fel gadael sylw ar wefan i blant, byddwn yn gofyn i chi gymeradwyo hyn. Byddwch unai yn derbyn e-bost, neu gallwch reoli caniatâd yma.

Mwy o wybodaeth am ganiatâd i blant

Ambell i beth i gadw mewn cof

1. Mae gwasanaeth plant y BBC weithiau yn casglu gwybodaeth bersonol, fel mae rhannau eraill y BBC sydd i oedolion.
2. Os welwn ni sylw ar negesfwrdd sy'n gwneud i ni bryderu fod plentyn mewn peryg, efallai y byddwn ni'n anfon y sylw a manylion eraill at bobl all helpu, fel yr NSPCC.